Алматылықтар «Жасыл аула» акциясы аясында 1700 көшет алды
Алматы қаласының экология және қоршаған ортаны қорғау басқармасы «Жасыл аула» дәстүрлі акциясын қорытындылады. Алматылықтардан барлығы 200-ге жуық өтінім келіп түсті, оның ішінде 1700 көшет алуға 133 өтінім мақұлданды.
Алматы, NEGE. Бостандық, Наурызбай және Алатау ауданының тұрғындары аса белсенділік танытты. Экология және қоршаған орта басқармасының мамандары өтініштер бойынша көшеттерді тарату жұмыстарына кірісіп кетті.
Еске салсақ, бұған дейін Алматыда қала тұрғындарына көшет тарату бойынша «Жасыл аула» акциясының басталғаны туралы хабарланған болатын. Қалада көпқабатты үйлер ауласы мен қоғамдық кеңістіктерді көгалдандыруға ниетті алматылықтарға шаған, үйеңкі, шегіршін, терек, қараған мен қайыңның көшеттерін тегін алуға мүмкіндік берілді.
Ағаш отырғызу жұмыстарын 2022 жылдың 27 қазаннан бастап жүргізіледі Көшеттерді тарату 3 қарашаға дейін келесі мекенжай бойынша жүзеге асырылады: Алматы қ., Алатау ауданы, Ұлжан-2 шағын ауданы, Бертайызы к-сі, 24.
Көшеттерді отырғызғаннан соң олардың фотоесептерін жіберу қажет. Айта кету керек, акцияға қатысушылар екі жыл бойы отырғызылған ағаштарды күту туралы кепілдік міндеттемені өз мойнына алады.
Алматыны көгалдандыруға қала тұрғындары да белсенді қатысуда. Мсыалы, «Жасыл аула» акциясы бойынша қала тұрғындары өздері тұрып жатқан мекен жай бойынша кез келген ағаш түрлеріне тапсырыс бере алады. Ал ағаштарды жасыл экономика мамандары тегін жеткізіп береді.
Жалпы, 2019 жылы басталған «Jasyl Almaty» науқаны бойынша Алматыда үш жылдың ішінде 1 миллион ағаш отығызылуы тиіс.
«Жасыл аула» акциясы – Jasyl Almaty деп аталатын мегаполистің экологиялық ортасын жақсарту жөніндегі үлкен бағдарламаның бір бөлігі. Ол қала аумағында бір миллионнан астам ағаш отырғызуды қарастырады.
Бұл акция жыл сайын жалғасын тауып отырады. Алматы қаласының гүлденуіне зор үлес қосып, жасыл желекпен аббаттандыру қала көркін аша түседі. Алматы әдемі талдарымен, сан түрлі өсімдіктерімен жайнаған қала. Сол себепті, қаланың әр тұрғыны өзінің тұрған ортасының жан-жағын жасыл желекке толтырса, табиғат анаға тартқан ерекше тартуы болады. Және де Алматы ауасының жақсаруына зор үлес қосады.
