Алматылық дәрігерлер 102 жастағы кейуанаға ота жасады
Ұлттық госпитальдің травматологтары 102 жастағы пациенттің жамбас сүйегін салды, деп хабарлады Kazinform.
Алматы, NEGE. 102 жастағы Зейнеп Әбілжанова жамбас сүйегінің сынығымен ауруханаға түсті. Кейуананың жас ерекшелігіне қарамастан, травматологтар оған ота жасауға шешім қабылдады.
– Операция науқаста ілеспе диагнозы болған соң күрделі болды. Отаға дейін ем-дом шараларын жүргіздік. Нәтижесінде жамбас сүйегін салу операциясы сәтті өтті, келесі күні Зейнеп әжей өзі отырды,– деді травматолог Айбек Дәуріжан.
Операция міндетті әлеуметтік медициналық сақтандыру пакеті шеңберінде жасалды.