Алматыдағы жер сілкінісінен кейін 1800-ден аса афтершок тіркелген
Сейсмологтар Алматыдағы жер сілкінісінен кейін 1800-ден аса афтершок тіркеді.
Алматы, NEGE. Төтенше жағдайлар министрлігінің Сейсмологиялық бақылау және зерттеулер ұлттық ғылыми орталығының мәліметінше, 23-26 қаңтар аралығында Қазақстан бойынша 1800-ден аса әлсіз афтершок тіркелсе, оның тек 11-і Алматыда сезілген.
«Бұл ошақта жер сілкінісінен кейін афтершоктар бүгінгі күнге дейін жалғасып жатыр, бұл да табиғи құбылыс, оның қанша уақытқа созылатынын айту қиын. Бұл көптеген факторға байланысты болады: жер сілкінісінің эпицентрі орналасқан аймақтың сейсмикасы, жер қыртысының геологиялық құрылымы, тектоникалық ерекшеліктері және т.б. Бірте-бірте сейсмиканы белсендіру процесі әлсірейді және ол қалыпты режимге оралады», - делінген хабарламада.