Алматыдағы жаңа метро станциясының құрылысы қашан аяқталады?
Алматы әкімі Ерболат Досаев жаңа «Қалқаман» метро бекетінің құрылыс алаңына барып, жұмыс барысымен танысты.
Алматы, NEGE. Құрылыс қарқынын жеделдетудің маңыздылығын атады.
Абай даңғылы бойында орналасатын метро бекет жолаушылар санын тәулігіне 30 мың адамға арттырады. Бекет платформасының ұзындығы 98 метр. Жанындағы аумақ көркейтіліп, 380 автокөлікке және 28 автобусқа арналған тұрақ орындары жасалады.
Құрылысы 2020 жылы басталған, бірақ 2022 жылы трассаны және бекет орнын түзету туралы шешім қабылданды. Жоспарланған аяқталу мерзімі – келесі жылдың қаңтары.
Бас мердігер – BCN Group компаниясы, құрылысқа 150-ге жуық маман мен 50 техника жұмылдырылған. Жұмыс үш ауысымда жүргізіледі.
Ерболат Досаев құрылыс жұмыстарын жеделдетіп, қосымша күштерді жұмылдыруды ескере отырып, жаңа кесте ұсынуды тапсырды.