Алматыдағы крематорий әкімдікке қарасты мекемеге берілді
Алматыдағы крематорий қала әкімдігіне қарасты бейінді ұйымының балансына берілді.
Астана, NEGE. Крематорий 2021 жылдан бері дайын. Нысанның құрылысына 1,5 млрд теңге жұмсалған.
Объект бұдан бұрын жүргізілген мемлекеттік аудит негізінде берілді, оның нәтижелері бойынша Алматы әкіміне баланс ұстаушыны белгілеу тапсырылған болатын.
«Нәтижесінде әкімдіктің 2025 жылғы 17 қазандағы қаулысымен объект Құрылыс басқармасының балансынан Қоғамдық денсаулық сақтау басқармасының «Қалалық патологиялық-анатомиялық бюро» ШЖҚ КМК балансына берілді», - делінген Жоғары аудиторлық палата хабарламасында.
Крематорий жұмыс істеуін бастайтын ресми күн барлық нормативтік рәсім аяқталғаннан кейін жарияланады.