Алматыдағы Алма-Арасан шатқалында таудан тас құлап, студент қыз қаза тапты
Полиция оқиғаның мән-жайын анықтап жатыр.
Алматы, NEGE. Сарқырама маңында тауға серуендеп бара жатқан қызды тас басып қалған. Куәгерлер қызды өз беттерінше шығара алмаған. Оқыс оқиға болған кезде сауықтыру кешенінің аумағында демалушылар болған.
Бірі оқиғаның салдарын видеоға түсіріп, тас құлаған кезде жуыну орнында болғанын, бірақ қашып үлгергенін айтады. Ол жерде ұялы байланыс болмаған, сол себепті куәгерлер болған жағдайды таудан төмен түскен сәтте хабарлаған.
Қалалық Төтенше жағдайлар департаменті тастың құлауына толассыз жауған жауын себеп болуы мүмкін дейді.