Алматыда 9 қыркүйекте жыл сайынғы Kitap Fest Almaty 2023 кітап фестивалі өтеді
Алматыда 9 қыркүйекте Арбатта жыл сайынғы Kitap Fest Almaty 2023 кітап фестивалі өтеді.
Алматы, NEGE. Биыл ол «Ұлттық әдебиет. Ұлттық тіл. Ұлттық дәстүрлер» тақырыбына арналды. Іс-шараға келушілер ауқымды мәдени бағдарлама, қазақстандық жазушылармен және танымал тұлғалармен кездеседі. Әрі «Менің алғашқы ертегілерім», «Как оседлать единорога?», «Tarmaqtar» және т.б. көптеген жаңа кітаптардың тұсаукесері өтеді.
Фестивальде «Ауылға кітап» дәстүрлі акциясы өтеді, онда кез келген адам кітапты Қазақстанның ауылдық кітапханаларына тапсыра алады. Сонымен қатар, алматылықтарға 5000 тегін кітап таратылатын бірегей «Кітап лабиринті» құрылады. KitapFest кітап фестивалі 2014 жылдан бері өткізіліп келеді.
Бұл аралықта ол шығармашылық кездесу үшін бірегей алаңға айналды. Мұнда танымал қазақстандық авторлар мен баспалардың қатысуымен 200-ден астам кітаптың тұсауы кесілді.