Алматыда әуежай қызметкерін кепілге алған ер адам 11 жылға сотталды
Алматыда әуежай қызметкерін кепілге алған Машрапбек Баратовқа сот үкімі шықты.
Алматы, NEGE. Оған Алматы әуежайында тексеру қызметінің инспекторын кепілге алып, әуежайды жарамын деп қорқытты деген айып тағылған еді. М.Баратов ҚР ҚК 293-бабы 3-бөлігі (бұзақылық), 261-бабы 2-бөлігі 4-тармағы (кепілге алу) және 273-бабы (терроризм актісі туралы көрінеу жалған хабарлау) бойынша кінәлі деп танылды.
Сот оны 11 жылға бас бостандығынан айыру жазасына кесті.
Естеріңізге сала кетейік, прокурор әуежай қызметкерін кепілге алған ер адамды 10,5 жылға соттауды сұраған болатын.