Алматы облысында бір отбасының үш адамы коронавирус жұқтырды
Бүгін Алматы облысы Еңбекшіқазақ ауданы Өрікті ауылының 3 тұрғыны коронавирус жұқтырды, деп хабарлайды Алматы облысы əкімінің баспасөз қызметі.
Алматы, NEGE. 24, 23 жəне 16 жастағылар бір отбасының мүшесі. Олар - бұған дейін инфекция табылған 51 жастағы пациенттің туыстары. Қазір аталған тұрғындар Еңбекшіқазақ ауданаралық орталық аурухананың инфекциялық бөліміне жатқызылды. 23 сəуір күнгі сағат 20.00-дегі жағдай бойынша Алматы облысында індет жұқтырғандар саны 68 болды.