Алматы жолдарындағы көк таңба нені білдіреді?
Наурызбай батыр көшесінде айдың басында жаңа көк таңба пайда болды. Енді коммуналдық ақылы тұрақ аймағы осылай ерекшеленеді. Бұл жаңалық жүргізушілердің тұраққа көлік қоюын жеңілдетеді.
Алматы, NEGE. Бұрын ақылы автотұрақтар тек 5, 10 және 20 сандары бар шеңбермен бейнеленген ақпараттық тақта түрінде көрсетілген. Алайда мұндай белгі әрдайым ақылы тұрақ шекарасын нақты көрсете бермейді. Енді жол белгілері, әсіресе тығыз трафик жағдайында бірден байқалады.
«Көк таңба назар аудартады және тұрақ іздеуді жеңілдетеді», - деді «Алматы паркинг» мекемесі. Ол қаладағы барлық коммуналдық ақылы автотұраққа қолданылады, бұл Алматы тұрғындары мен қонақтарының жайлылығын арттырып, инфрақұрылымды жақсартады.