Алматы тауларында туристер мен балалар шұғыл эвакуацияланды

Алматы, NEGE. Түнгі уақытта министрлікке Букреев шыңына (3010 м) көтеріліп бара жатқан туристік топ жайлы хабарлама келіп түскен. Ақпаратқа сәйкес, топ құрамындағы 8 жастағы бала өзін жайсыз сезінген.

«Баланың жүрек соғысы жиілеп, басы айналып, әлсіздік байқалды. Бұл – биіктікке бейімделу қиындықтарының алғашқы белгілері», – деп хабарлады төтенше жағдайлар министрлігі.

Республикалық жедел-құтқару жасағы дереу іздестіру-құтқару жұмыстарына кірісіп, Бутаков шатқалының қиын учаскесінен жаяу жүріп өтті. Кейін таулы аймаққа көтеріліп, туристер тобын тапты.

«Туристер маршрут бойында анықталды. Баланың жағдайы қанағаттанарлық, сол сәтте ол ұйықтап жатқан», – деп нақтылады ведомство.

Құтқарушылар баланы ересек адамның еріп жүруімен қауіпсіз аймаққа жеткізіп, дәрігерлерге табыстады.