Алматы студенттері үшін жаңа жатақхана ашылды
Алматыда жеке инвестициялардың есебінен салынған 103 төсек-орындық заманауи жатақхана ашылды.
Алматы, NEGE. Мұнда студенттерге жайлы бөлмелер, ас бөлмесі, оқуға және демалуға барлық жағдай жасалған. Сонымен қатар, интернетпен (wi-fi) қамтамасыз етілген коворкинг аймағы да қарастырылған.
«Жатақхана керемет! Бөлмелері кең әрі жарық, қажеттінің бәрі бар. Асхана да өте ыңғайлы, тағамдары дәмді. Wifi жылдамдығы да тамаша, сабақ оқуға өте ыңғайлы», - деді жатақхана тұрғыны Ербол Балтабаев.Алматы қаласы Жастар саясаты басқармасының мәліметінше, оқу жылы басталғанға дейін Алматыда 1920 орындық 6 жатақхана ашылды, ал жыл соңына дейін Алматы қаласы әкімдігінің жобалық кеңсесінің қолдауымен 3105 орындық 4 нысанды пайдалануға беру жоспарланып отыр.
2024 жылы жалпы 5025 орындық 10 нысанды, 2025-2026 жылдары 34 295 орындық 33 нысанды пайдалануға беру көзделген.