Алматы соты Алмас Кішкенбаевқа қатысты істі қарауды кейінге шегерді
Әнші Алмас Кішкенбаевтың соты басқа күнге ауыстырылды.
Алматы, NEGE. Бұған дейін бұл процесс жабық есік жағдайында өтетіні хабарланған болатын, себебі жәбірленуші – жасөспірім бала.
«Сот процесі кейінге қалдырылды, жабық режимде өтуіне байланысты оның себебі беймәлім», - деп хабарлады Алматы қалалық сотының баспасөз қызметі.
Естеріңізге сала кетейік, оған 17 жастағы курьер балаға қол жүгіртті деген айып тағылған болатын. Полиция департаменті ақпаратты растаған. Алайда әнші бұл іске өзінің қатысы жоқ екенін алға тартты.