Алматы полициясы жарылыс жасау туралы жазба қалдырған жігітті ұстады
Алматы полициясы әлеуметтік желіде жарылыс жасау туралы жазба қалдырған ер адамды ұстады.
Астана, NEGE. Белгісіз ер адамның пікірі діни бірлестіктердің қызметіне қатысты жазбаның астына қалдырылған.
Бұл дерек бойынша «102» пультіне хабарлама келіп түскеннен кейін, Алматы қаласы полиция департаментінің экстремизмге қарсы күрес басқармасы жазба авторын ұстады.
Жүргізілген жедел іс-шаралар нәтижесінде пікір авторының жеке басы анықталды. Ол 2004 жылы туған, Алматы қаласының тұрғыны. Ер адам ұсталып, полиция бөлімшесіне жеткізілді, – деп мәлімдеді полиция департаменті.
Департаменттің мәліметінше, интернетте жазылғанына қарамастан, кез келген қорқыту фактісі полиция тарапынан қоғамдық қауіпсіздікке нақты қауіп ретінде қаралады. Сондай-ақ полиция мұндай «әзілдердің» салдары ауыр болатынын ескертеді.