Алматы облысының тауларында адасып кеткен украиналықтар табылды
Алматы облысында 112 нөміріне хабарласқан туристерге құтқарушылар көмек көрсету үшін тауға аттанды, деп хабарлады Sputnik.
Ауа райының қолайсыздығына қарамастан, РЖҚЖ құтқарушылары 88 шақырымнан астам жол жүріп өтіп, Талғар ауданының Бутаков шатқалына келді. Лесная асуына қарай көтеріле беріп, онда екі Украина азаматын (бір ер, бір әйел адам) тапты. Жастарға жылы киім мен шай берілді, содан кейін оларға қауіпсіз жерге түсуге көмек көрсетілді.
Туристерге медициналық көмек қажет болмады.