Алматы әуежайына кіру жолы уақытша жабылады
Алматы халықаралық әуежайына кіретін және шығатын бағыттағы жолдар бір аптаға жабылады. Бұл жөнінде әуежайдың баспасөз қызметі мәлімдеді.
Астана, NEGE. 2025 жылғы 4-11 желтоқсан аралығында Б. Майлин көшесінен әуежай аумағына кіретін негізгі жол бөлігінде сыртқы аралды алу және асфальт төсеу бойынша жөндеу жұмыстары жүргізіледі.
«Осыған байланысты уақытша кіру бағытында 1 жол және шығу бағытында 2 жол жабылады. Әуежайға барар жолыңызда осы ақпаратты алдын ала ескеруіңізді сұраймыз», – делінген хабарламада.
Әуежай өкілдері қалған кіру және шығу жолдары қалыпты режимде жұмыс істей беретінін хабарлады.
Сондай-ақ компания өкілдері алматылықтар мен қала қонақтарынан уақытша қолайсыздықтар үшін кешірім сұрап, түсіністікпен қарауға шақырады.