Алматы Академиясында сыбайлас жемқорлыққа қарсы іс-қимыл шаралары талқыланды
Мақан Есболтов атындағы Алматы Академиясында сыбайлас жемқорлыққа қарсы іс-қимыл шаралары талқыланды.
Алматы, NEGE. Жиын барысында құқық қорғау органдары қызметкерлерінің адалдығын тексеруге арналған Integrity Check тетігі аясындағы ынтымақтастық мәселелері де қаралды. Бұл құрал сыбайлас жемқорлық тәуекелдерін уақтылы анықтауға және ашықтық, жариялылық пен сенім қағидаттарына негізделген кадрлық саясатты қалыптастыруға мүмкіндік береді.
Өз сөзінде Сыбайлас жемқорлыққа қарсы қызмет басшысы Арман Рахимов құқықтық мемлекетті қалыптастырудағы жастардың маңызды рөлін ерекше атап өтті.
Ол елдің болашағы жастардың азаматтық белсенділігіне, құқықтық санасы мен жауапкершілігіне, сондай-ақ адалдық, әділдік және парасаттылық қағидаттарына деген адалдығына тікелей байланысты екенін айтты.