Алмалы ауданындағы «Халық қатысатын бюджет» жобасы жүзеге асырылды

Алматы, NEGE. Алматы әкімімен кездесу барысында тұрғындар су басатын аумақтарды жою, ауданды абаттандыру, аула маңын жөндеу, қоғамдық көлік, әлеуметтік нысандар салу және т.б. мәселелерді көтерді.

Қала басшысы тұрғындардың 80-ге жуық өзекті сұрағына жауап берді. Кездесуге 250-ден астам адам қатысты.

Жиын барысында Алмалы ауданындағы «Халық қатысатын бюджет» жобасы туралы да мағлұмат берілді. 

«Халық қатысатын бюджет» жобасы - бұл жергілікті тұрғындардың қаланы көріктендіруге, абаттандыру, жолжиектерін, пандустарды орнату сынды жұмыстарға қатысуы. Халықпен ұсынылған жобалар арнайы сарапшылардан құрылған комиссиямен қаралады. Атап айтқанда, тұрғындардың қаланы абаттандыруда жергілікті бюджет қаражатын бөлуге қатысуға мүмкіндігі бар. Осы орайда аумақты көгалдандыру, тротуарларды, арықтарды салу және жөндеу, ортақ пайдалану орындарын құру, жөндеу және жарықтандыру, бордюрларды, қоқыс тастайтын жерлерді жою, ортақ пайдалану орындарында күркелер, орындықтар, урналар және балалардың ойнауы және ересек тұрғындардың демалуы үшін жабдықтар мен конструкциялар орнату, балалар ойын алаңдарын орнату, жөндеу және жарықтандыру ескерілген.

Мемлекет басшысының 2019 жылғы 15 шілдеде Үкіметтің кеңейтілген отырысында берген тапсырмаларын іске асыру үшін «Жергілікті бюджеттердің жобаларын әзірлеу қағидаларын бекіту туралы «Қазақстан Республикасы Қаржы министрінің 2014 жылғы 31 қазандағы № 470 бұйрығына өзгеріс пен толықтыру енгізу туралы» ҚР Премьер-Министрінің бірінші орынбасары – ҚР Қаржы министрінің 2020 жылғы 12 наурыздағы № 254 бұйрығы қабылданды, онда халықтық қатысу бюджетін жүргізу рәсімдері айқындалған.

Бұйрық 2019 жылы Алматы және Нұр-Сұлтан қалаларында өткізілген халықаралық тәжірибе мен қанатқақты жобаны ескере отырып әзірленді.

«Халықаралық ынтымақтастық бойынша Қазақстан 2019 жылы алғаш рет құрамында 71 ел бар партисипаторлық бюджеттеудің әлемдік атласына қосылды. Осылайша, жергілікті деңгейде 2020 жылдан бастап республикалық, облыстық маңызы бар қалаларда және астанада «Халық қатысатын бюджет» іске асырылып келеді. «Халық қатысатын бюджетті» енгізудің мақсаты - жергілікті атқарушы органдардың оны қалыптастыру аясында жергілікті бюджет қаражатын бөлу кезінде халықтың ауқымды қатысуын қамтамасыз ету», - делінген Қаржы министрлігі таратқан мәліметінде.

Пайыздық арақатынаста тұрғындардың жобалық ұсыныстарын іске асыруға бағытталған шығыстардың ең аз көлемі айқындалған. Іске асырылып жатқан «жобалар» және оларды қаржыландыруға арналған қаражаттың пайдаланылуы туралы ақпарат интернет-ресурстарда, бұқаралық ақпарат құралдарында, сондай-ақ әкімдердің халыққа есеп беру кездесулері барысында жария етіледі. Қазақстанның мемлекеттік органдары интернет-ресурстарының бірыңғай платформасындағы Әкімдіктердің парақшасында «Халық қатысатын бюджет» модулінде барлық оқырмандар тұрғындардың ұсыныстарының «жобаларын» онлайн режимде қысқа, түсінікті және егжей-тегжейлі түрде оның мәртебесін, таймлайнын, дауыс санын көрсете отырып, қадағалай алады.

Биыл Алматы қаласының Алмалы ауданында 800 млн. теңге сомасына 39 жобасы іске асырылды.

Автосуғару жүйесімен жабдықтау жұмыстары аяқталды. «АРО», «АЗТМ» 2 сквері, сонымен қатар, Абай даңғылынан Төле би көшесіне дейін Гагарин, Байтұрсынов көшесінен Шәріпов көшесіне дейін Бөгенбай батыр және Абылай хан даңғылынан Наурызбай батыр көшесіне дейін Қарасай батыр көшелеріндегі бульварлар кешенді түрде көгалдандырылды.

Сонымен бірге, 8 қоғамдық және 21 аула абаттандырылды.

2023 жылға дауыс беру қорытындысы бойынша берілген 171 ұсыныстың ішінен 800 млн.теңге сомасына 18 жоба алдын ала іріктелді.

Алмалы ауданында 58,5 шақырым электр желісі ауыстырылды.

Бүгінгі таңда 58,5 шақырым электр желілері ауыстырылды және осы жылға жоспарланған барлық 10 тарату және 50 трансформаторлық қосалқы станция жаңғыртылды.

"Бұл ауданның электр желілерінің орташа тозуы деңгейін 70-тен 61%-ға дейін төмендетуге мүмкіндік берді. 2023 жылы тағы 97,5 шақырым желі жаңартылып, ауданның 3 тарату және 145 трансформаторлық қосалқы станциясы реконструкциядан өтеді", - деді Ерболат Досаев.

Абай даңғылынан Есенжанов көшесіне дейінгі Тұрғұт Озал көшесінің су құбыры желілері реконструкцияланып, 15 қарашаға дейін Кәрімов көшесіндегі аумақтағы жұмыстар аяқталады.

"Жайлы" ТҮК иесіз канализация желілері және "Панорама" ТҮК канализациялық сорғы станциясы сенімгерлік басқаруға қабылданды.

Абай даңғылынан Құрманғазы көшесіне дейінгі Досмұхамедов көшесінің және Бөгенбай батыр-Радостовец көшелеріндегі ауланың жылу желілері жаңғыртылды.

Алмалы ауданының тұрғындарымен кездесуде қала әкімі Ерболат Досаев жол-көше желісін дамыту және жаңғырту туралы айтып берді. Жол инфрақұрылымын жақсарту қала тұрғындарының өтініштері мен тілектерін ескере отырып жүргізіледі.

Тұрғындардың өтініші бойынша 3 көшеде біржақты қозғалыс енгізілді: Есенжанов пен Шәкәрім, Тілендиев пен Брусиловский көшелерінің арасында және Артем көшесінде, Брусиловскийден Тұрғыт Өзал көшесіне дейін. 

Жалпы ұзындығы 13 км 16 көшеге орташа жөндеу жүргізіліп, 15 қарашаға дейін тағы екі көшедегі жөндеу жұмыстары аяқталады. 

1,3 км тротуар желісін салудың арқасында 16 мекен жайдағы жаяу жүргіншілер өткелінің қауіпсіздігі арттырылды, сонымен қатар, 8 учаскедегі 900 м тротуар жөнделді. 6 реттелетін бағдаршам өткелін салу арқылы қозғалыс ең көп жол бөліктерін қауіпсіз етп жасады. Байсейітова көшесінің бойында: - Қабанбай батыр, Бөгенбай батыр, - Құрманғазы, - Шевшенко, - Гоголь және Абылай хан - Әлімжанов көшесінің бойымен төрт жаңа жаяу жүргіншілер өткелі жасалды. 

Тұрғындардың тадаптарын, тілектерін ескере отырып, 2 маршруттың қозғалыс бағыты өзгертілді (№132 және №88). Аялдамалардыжақын орналастыру мақсатында 8 аялдама салынды. Розыбакиев көшесіндегі аялдама №3 қалалық емханаға жақын ауыстырылды.