19 июля 2025 г. 13:21
Әлемде түрмедегі адамдар саны қайта көбейіп жатыр
БҰҰ есірткі және қылмыс жөніндегі басқармасының мәліметінше, пандемия кезіндегі аздаған төмендеуден кейін әлемде түрмедегілер саны қайта өсе бастады.
АЛМАТЫ, NEGE. 181 елдің 60%-дан астамында түрмелер толық толған, ал әр төртінші елде толымдылық 150%-дан асқан. Бұл жағдай тұтқындардың денсаулығына, қауіпсіздігіне және қайта әлеуметтенуіне кері әсер етіп отыр.
Дүниежүзінде 3,7 млн адам сот үкімі шықпаған күйі түрмеде отыр. Оңтүстік Азияда бұл көрсеткіш 64%-ға жеткен.
2023 жылы әр 100 мың тұтқынның 32-сі өзіне қол жұмсаған. БҰҰ сарапшылары түрме жүйесін реформалап, тұтқындарға адамгершілікпен қарау қажет екенін ескертеді.
