Әлем чемпиондары Нұр-Сұлтанға ұшып келді (видео)
Футболдан қазіргі әлем чемпионы Франция құрамасы Қазақстанға ұшып келді.
Бұл туралы деп Vesti.kz сайты хабарлады.
Нұр-Сұлтан, NEGE. 28 наурызда Франция құрамасы «Әлем чемпионаты-2022» іріктеу кезеңінде Қазақстанға қарсы ойын өткізеді. Елордаға команданың барлық жұлдызды ойыншысы, соның ішінде ПСЖ-дан Киллиан Мбаппе, «Барселонадан» Антуан Гризманн және «Манчестер Юнайтедтен» Пол Погба келді. Олар да Қазақстан құрамасына қарсы ойында өнер көрсетеді.
Ойын 28 наурызда сағат 19.00-де көрермендерсіз өтеді. Оны Kazsport телеарнасы тікелей эфирде көрсетеді.
Франция құрамасының толық құрамымен мына жерден танысуға болады.
Бүгін, 27 наурызда Франция құрамасы матч қарсаңында «Астана Аренада» жаттығу өткізеді.