Александр Бублик Швейцариядағы турнирдің финалына шықты
Жартылай финалда француз спортшысы Артур Казомен күш сынасты.
Алматы, NEGE. Қазақстандық теннисші Александр Бублик (ATP рейтингінде №34) Швейцарияның Гштаад қаласында өтіп жатқан ATP-250 санатындағы топырақ жамылғыдағы турнирдің финалына жолдама алды.
Жартылай финалда Бублик француз спортшысы Артур Казоны сенімді түрде жеңді. Кездесу 6:1, 7:5 есебімен аяқталды.
Бұл финал — Александр Бублик үшін кәсіби мансабындағы келесі ATP титулын жеңіп алу мүмкіндігі. Финалдағы қарсыласы екінші жартылай финал нәтижесінде анықталады.