Алдағы үш күнде ауа райы қандай болады?

Республикалық гидрометеорологиялық қызмет 28–30 қазан аралығындағы ауа райы болжамын ұсынды.

Синоптиктердің мәліметінше, Атлантикадан келген циклон Батыс Қазақстанда жаңбыр мен желдің күшеюіне себеп болады. Кей аймақтарда жауын-шашын кеш түскенге дейін жалғасады.

Солтүстік, орталық және шығыс өңірлерде жауынсыз күн райы күтіледі. Тек 30 қазан күнісолтүстік облыстарға бұлтты ауа массалары жетіп, аздаған жауын жаууы мүмкін.

Оңтүстік өңірлерде атмосфералық фронттардың өтуіне байланысты өткінші жаңбыр жауады. Таулы аудандарда жаңбыр қарға ұласуы ықтимал.

Қазақстан бойынша күн күрт сууы күтілмейді. Ауа температурасы мынадай болады: Солтүстікте: +10…+15 °C; Орталық пен шығыста: +10…+18 °C; Оңтүстікте: +20…+28 °C; Батыс пен оңтүстік-шығыста: +9…+17 °C дейін төмендейді. Түнгі және таңғы уақытта елдің басым бөлігінде тұман түседі.