Алдағы күндері күн суытып, жаңбыр жауады
«Қазгидромет» РМК синоптиктері 2025 жылғы 12, 13 және 14 тамызға арналған ауа райы болжамын ұсынды.
Алматы, NEGE. Синоптиктердің мәліметінше, батыс, солтүстік-батыс және солтүстік өңірлерде қатты жаңбыр жауады.
Жекелеген өңірлерде бұршақ жаууы және дауыл болуы мүмкін.
Тек республиканың оңтүстігінде ғана жауын-шашынсыз, күн ыстық болады.
Сонымен қатар, республика бойынша желдің күшеюі, ал түнгі және таңғы уақытта солтүстік пен шығыста тұман түсуі мүмкін..
Айта кетейік, еліміздің басым бөлігінде ауа температурасы аздап төмендейді.
– батыста түнде 13-18°С, күндіз 23-31°С;
– солтүстік-батыста түнде 8-20°С, күндіз 18-28°С;
– солтүстікте түнде 10-17°С, күндіз 18-23°С;
– оңтүстікте түнде 13-23°С, күндіз 27-37°С.