23 января 2024 г. 9:11
Алдағы күндері Алматыда күшті жер сілкінісі болмайды – Сейсмикалық болжау комиссиясы
Сейсмикалық болжау комиссиясы Алматыдағы алдағы күндердегі жағдайға баға берді.
Алматы, NEGE. Алдағы күндері Алматыда күшті жер сілкінісі жағдайы болмайды. Мұндай қорытындыға сейсмологиялық бақылаулар мен зерттеулер жөніндегі сейсмикалық жағдайды бағалау комиссиясы келді.
«Сейсмологиялық бақылаулар және зерттеулер ұлттық ғылыми орталығының сейсмикалық жағдайды бағалау жөніндегі комиссиясы кезектен тыс отырысының қорытындысы бойынша жақын күндері Алматыдағы болжамдық сынақ полигоны аумағында күшті жер сілкінісі 70% ықтималдықпен болмайды деген қорытындыға келді. MSK сейсмикалық шкаласы бойынша 5,6 балл және қарқындылығы 7 балл және одан жоғары жер сілкінісі болжанып отырған жоқ», - делінген хабарламада.