Ақтөбе облысында 45 адамнан шошқа тұмауы анықталды
Ақтөбе облысында 45 адамнан шошқа тұмауы анықталды.
Алматы, NEGE. Науқастардың саны аз уақыт ішінде екі есеге көбейген. Сондықтан санитар мамандар вирустың алдын алу үшін шектеулер енгізе бастады. Яғни медицина мекемелерінің қызметкерлері бетпердемен жүруі тиіс.
Балабақшалар мен мектептердегі ахуал да бақылауға алынды. Бір апта ішінде облыс бойынша жедел респираторлы вирусты инфекциямен 12 мың тұрғын ауырған.
Қазан айынан бастап Ақтөбе облысында ЖРВИ мен тұмау белгілері бойынша 101 мыңнан астам адам дәрігерге жүгінген. Санэпидемиологтардың мәліметінше, күзде тұрғындардың тек 14 пайызы тұмауға қарсы екпе салдырған. Науқастардың басым бөлігі - 14 жасқа дейінгі балалар, сонымен қатар жүкті әйелдер арасында да 291 вирус инфекциясы тіркелген.