Ақтау тұрғындары президентке үндеу жолдады
Ақтау тұрғындары әкім Ұлықбек Тінәлиевке, Маңғыстау облысының басшысы Нұрлан Ноғаевқа және ел президенті Қасым-Жомарт Тоқаевқа видеоөтініш жазды. Олар жылудың берілмегеніне наразы. Бұл туралы Lada.kz сайты хабарлады.
Алматы, NEGE. Наразылыққа №31, №32, №34, №42 және №47 сынды 20-ға жуық үй тұрғыны шықты. №31, №32, №34 үйлерге "Маңғыстау бірлік", №42 үйге “Собственник” тұрғын үй кооперативі қызмет көрсетеді.
“Бір апта бұрын магистральдық құбырдағы құбырларды ауыстырғаннан кейін әкімдік барлық ақаулар жойылып, қалаға жылу берілді деп қуана есеп берді. Алайда кешке жылытқыштарды қосуға мәжбүрміз, бірақ соның салдарынан өрт жағдайлары жиілеп кеткендіктен, он да қолдануға қорқамыз. Пәтерлерде жылу жоқ. Біз қала әкімі Ұлықбек Тналиевтен, облыс әкімі Нұрлан Ноғаевтан және жылу беруге жауапты адамдардан төтенше жағдайды шешуді талап етеміз”, – дейді тұрғындар.
Олар комиссия құруды сұрайды. Шағын аудандардағы магистральдық құбырларға тексеру жүргізу керек дейді.
"МАЭК" ресми түрде қалаға жылу желісінің температурасы 96 градуспен жіберілетінін мәлімдеді, ал "КЖСА" МКК өз кезегінде негізгі магистральдардағы екпінді болдырмау үшін кері қайтаруды өшірді. Демек жөнделмеген ескі тозған құбырларда апаттар болмауы үшін ғана тоқтатылды. Билік тарапынан көптеген есептер жүргізіліп, қысқа дайынбыз дегенімен, іс жүзінде ештеңе жоқ. Алда әлі қаңтар мен ақпан айлары бар. Біз қалай аман қалатынымыз белгісіз, – деп шағымданды ақтаулықтар.
№42 үйдің тұрғындары 13 желтоқсанда "Маңғыстау бірлік" қызмет көрсететін компанияға барғанын айтады. «Үш күн қатарынан олар бұл мәселені шешуге уәде берді, бірақ 16 желтоқсаннан бастап хабарсыз»,- дейді.
