АҚШ әскерилері екі базаны тастап шықты
Иран жауап ретінде АҚШ-тың Ирактағы екі әскери базасын зымыранмен атқылаған соң америкалық әскерилер Сирияның солтүстік-шығысындағы екі әскери базадан кетті. Бұл туралы РИА Новости хабарлады.
Алматы, NEGE. SANA агенттігінің хабарлауынша, әскери техника тиелген 40 жүк көлігі Хасеке провинциясындағы Хораб-Джейр базасынан шығып, Иракқа қарай бет түзеген. Сондай-ақ, Шаддади қаласынан шыққан 50 жүк көлігі де Иракпен шекарадағы өткізу бекетіне келген. Агенттік таратқан ақпаратқа қарағанда, АҚШ әскерін тұтастай шығарып әкетудің жолын қарастырып жатыр. Алайда мұндай деректің қайдан шыққаны белгісіз.