АҚШ-та пневмониялық обадан адам өлімі тіркелді
Аризона дәрігерлері пневмониялық обадан науқастың өлімін тіркеді. Бұл туралы Коконино округінің денсаулық сақтау қызметі хабарлады, деп жазды ТАСС.
Алматы, NEGE. Коконино округінің денсаулық сақтау және халыққа қызмет көрсету бөлімінің шенеуніктері нәтижелерді 2025 жылдың 11 шілдесінде алды және округ тұрғынының Yersinia pestis бактериясы тудыратын ауыр өкпе инфекциясы пневмониялық обадан қайтыс болғанын растады, - деп жазылған Коконино округінің денсаулық сақтау қызметінің Facebook-тегі парақшасында.
Бұл 2007 жылдан бері ауданда аталмыш дерттен қайтыс болған алғашқы жағдай екені атап өтілді. Марқұмның жеке басы туралы ақпарат жарияланбады.
Пневмониялық оба – аурудың ең ауыр және ең аз таралған түрі және тыныс алу жүйесін қамтиды.