17 ноября 2025 г. 9:38
Ақмола облысында 14 жастағы қызды өлтірді деген күдікті ұсталды
Ақмола облысының Ынтымақ ауылында 14 жастағы қызды өлтірді деген күдікті ұсталды. Бұл туралы облыстық полиция департаменті мәлімдеді.
Астана, NEGE. Күдікті ер адам қашып кетуге тырысқан, алайда жедел іздестіру шараларының нәтижесінде қолға түсті.
Қазіргі уақытта уақытша ұстау изоляторына қамалған. Тергеу амалдары жалғасып жатыр.
Сотқа дейінгі тергеп-тексеру барысында оқиғаның барлық мән-жайы анықталып жатыр. Тергеудің барысы полиция департаменті басшылығының ерекше бақылауында, - деп мәлімдеді ПД.
Айта кетейік, ауыл тұрғыны пышақ жарақаттарынан көз жұмған. Бұл факті бойынша қылмыстық іс қозғалды.
