Ақ үй Путин мен Трамптың Аляскадағы кездесуін «тарихи» деп атады
Ақ үй әлеуметтік желі X-те АҚШ президенті Дональд Трамп пен Ресей президенті Владимир Путиннің Аляскадағы кездесуінен түсірілген суреттерді жариялады. Соңғы фотосуретке тек бір сөз жазылған – historic («тарихи»).
Алматы, NEGE. Кездесу Анкоридж қаласындағы «Эльмендорф-Ричардсон» әскери базасында өтті. Бастапқыда ол екіжақты форматта жоспарланғанымен, соңында «үшке үш» құрамында өтіп, шамамен үш сағатқа созылды.
https://twitter.com/WhiteHouse/status/1956456628292853895
Келіссөздерден кейін екі президент ортақ баспасөз мәслихатын өткізді. Владимир Путин Ресейдің Украинадағы қауіпсіздік мәселесіне жұмыс істеуге дайын екенін мәлімдеді. Дональд Трамп болса, «белгілі бір ілгерілеу бар» және «айтарлықтай прогресс жасалды» деп атап өтті. Алайда ол: «Ешқандай келісім болмайды, тек нақты келісімге келген жағдайда ғана мәміле жасалады», – деді.
Айта кетейік, Путин мен Трамп соңғы рет алты жыл бұрын кездескен болатын.