Айсұлтан да «баспанасыз» жүр
Дариға Назарбаеваның ұлы Айсұлтан Рахат соңғы кезде белсеніп, Facebook арқылы түсінікті-түсініксіз жазба қалдырып жүр.
Алматы, NEGE. Көптеген сарапшы жеке парақшада Айсұлтанның өзі отырғанына күмәнмен қарайды. Әйтсе де, әр жазбаны талдап, сөз астарын іздемей отырған БАҚ аз. Өткен жолы бірнеше пост қатар шыққан соң, қысқа-нұсқа ой білдіріп, тікелей эфирге де шықты. Бұл жолы барын, бәрін жинап жазды десек те болатындай. Басты айтпақ болғаны - өзіне қорған болар күш іздеп жүр.
«Мен Ұлыбританиядан саяси баспана сұраймын. Менің жолым соңғы бес жылда сұр жолақтармен жабылған. Адамдар шын мәнінде не болғанын және оның не үшін екенін білуі керек!» – делінген көлемді жазбада.