Air Astana ұшағы дәретханалардағы ақауға байланысты әуежайға қайта оралды
Рейс әуедегі төрт сағаттан кейін кері қайтуға мәжбүр болған.
Астана, NEGE. 26 желтоқсанда Фукуок – Алматы бағытындағы KC 162 рейсі техникалық ақауға байланысты (ұшақтағы барлық дәретхананың істен шығуына байланысты) ұшып шыққан әуежайына кері қайтты.
«Әуе кемесі жергілікті уақыт бойынша сағат 10:04-те ұшып, 14:14-те қонды. Қазіргі уақытта ақауды жою жұмыстары жүргізіліп жатыр», – деп хабарлады әуекомпания өкілдері.
Рейстің ұшуы 27 желтоқсан жергілікті уақыт бойынша сағат 04:00-ге шегерілген.
Компания өкілдері жолаушыларға ыстық тамақ пен сусындар берілгенін, қазіргі уақытта трансфер мен қонақүйге орналастыру мәселелері реттеліп жатқанын мәлімдеді.
Сондай-ақ Air Astana өкілдері рейстің кешігуіне байланысты жолаушылардан кешірім сұрады.