Air Astana Алматы–Токио бағытында тіке әуе рейсін ашады
Алматы – Токио – Алматы бағытындағы тікелей әуе рейстері 30 қарашадан бастап қатынай бастайды.
Астана, NEGE. Бұл туралы Air Astana әуе компаниясы хабарлады. Тұрақты рейстер Airbus A321LR әуе кемесімен аптасына екі рет Нарита халықаралық әуежайына ұшады.
Алматыдан шыққан жолаушылар Токиоға 7 сағат 30 минутта жетсе, ал Алматыға қайтатын рейс 9 сағат 25 минутқа созылады.
Эконом-класпен барып-қайтатын билетінің бағасы 350 552 теңгеден, ал бизнес-класс билеттері 1 398 918 теңгеден басталады.
Билеттерді Air Astana сайтынан және мобильді қосымшасынан алуға болады.
Компания өкілдері Қазақстан азаматтарына Жапонияға бару үшін виза қажет екенін еске салады.