«Адамдарды электрошокермен қорқытқан»: Алматыда пранк жасаған тұрғын жазаланды
Алматыда қоғамдық орындарда электрошокермен айналасындағыларды үрейлендірген 34 жастағы қала тұрғыны жауапкершілікке тартылды.
Алматы, NEGE. Полиция қызметкерлері анықтағандай, ер адам электрошокерді адамдарға тікелей қолданбағанымен, оларды қорқытқан. Бұл әрекет – қоғамдық тәртіпті бұзу ретінде тіркелді.
Аталған дерек бойынша ол ұсақ бұзақылық және арнайы құралдарды заңсыз қолдану фактілері бойынша жауапқа тартылды.
Мамандандырылған аудандық әкімшілік соттың шешімімен құқық бұзушы кінәлі деп танылып, 10 тәулікке қамауға алу жазасы тағайындалды.