29 ноября 2022 г. 15:19
Жолаушылар эвакуацияланды: «Алматы-2» вокзалында өрт шықты (видео)
Әлеуметтік желіде Алматы-2 вокзалының ғимаратынан өрт шыққаны туралы ақпарат тарады.
Алматы, NEGE. Жолаушылардың барлығы эвакуацияланған.
Мәліметтерге сүйенсек, шатырдың ағаш жабыны өртенген. Зардап шеккендер жоқ.
29 қарашада сағат 14:08-де вокзал ғимаратының төбесі өртеніп жатқаны туралы хабарлама түскен. Оқиға орнында Төтенше жағдайлар департаментінің қызметкерлері, 43 өртсөндіруші мен 14 техника жұмыс істеді.
Сағат 14.50-де өрт сөндірілді. Вокзал штаттық режимде жұмыс істеп жатыр.
