30 марта 2024 г. 15:48
Абай облысында жоғалып кеткен ер адам мен немересі табылды
Абай облысында із-түзсіз жоғалып кеткен екі адам құтқарылды, деп хабарлады төтенше жағдайлар министрлігінің баспасөз қызметі.
Алматы, NEGE. "1965 жылғы ер адам мен оның 2013 жылы туған немересі құтқарылды. Олар іздестіру-құтқару жұмыстары кезінде ауылдан 25 шақырым жерде табылды", - делінген хабарламада.
Ведомство ақпаратынша, табылған адамдар медициналық көмекке мұқтаж болмаған.
Ер адам мен қыз әскери тікұшақтың көмегімен Кендікті ауылына жеткізілді.