Абай шығармалары қытай тілінде жарық көрді
Бейжіңде Абай шығармаларының қытай тіліндегі жинағы көпшілікке таныстырылды.
Алматы, NEGE. Ұлы ақынның өдеңдерін, поэмалары мен қара сөздерін Қазақстанның Ұлттық аударма бюросының бастамасымен жергілікті жазушы Ақбар Мәжитұлы аударған. Автордың аудармамен айналысып жүргеніне 20 жылдай болған. Тұсаукесер рәсіміне Қытайдың бұрынғы мәдениет министрі Ван Мэн, мемлекеттік орган өкілдері мен беделді әдебиет қайраткерлері қатысты. Олардың айтуынша, Абай мұрасы тек Қазақстан үшін ғана емес, бүкіл әлемге ортақ құнды қазына.
Ли Цзинцзэ, Қытай жазушылары қауымдастығы төрағасының орынбасары Ли Цзинцзэ: "Абайдың өлеңдері мен қара сөздері бұған дейін де қытай тіліне аударылған. Алайда Ақбар Мәжитұлының жұмысы мінсіз десек артық айтпаған болармыз. Бұл қытайлық оқырмандарға қазақтың ұлы ақынының шығармаларын жан-жақты түсінуге мүмкіндік береді", - деді.