Абай Бисембаев қайда кетті?
Әлеуметтік желіде «Нұрсұлтан Назарбаевтың көмекшісі Абай Бисембаев қызметінен кетті» деген ақпарат тарады.
Алматы, NEGE. Бұған дейін А.Бисембаев ҚР Президенті іс басқарушысының бірінші орынбасары қызметінен де кеткен еді. Ол кезде «өз еркімен кетті» деген формулировка пайдаланылған-ды. Ал енді «Назарбаевтың көмекшісі қызметінен кетті» деген ақпаратты әзірге ешкім растамады.
Абай Бисембаев кім? Бисембаевтың мамандығы – саясаттанушы. Әр жылдары Ғылым академиясында, министрлер кабинетінде, президенттің іс басқарушылығында түрлі қызметтер атқарды. 2012-2019 жылдары экс-президент Н.Назарбаевтың іс басқарушысы болды. 2019 жылдан бастап Назарбаевтың көмекшісі.
Естеріңізде болса, депутат А.Сарым Қанды қаңтар оқиғасы кезінде Н.Назарбаевты Алматыдан өз көлігімен әуежайға дейін апарып, одан әрі чартерлік рейспен Нұр-Сұлтанға жеткізгенін айтқан еді.