42 500: Жұмыс берушілерден өтінім қабылдау басталды
Еңбекақысы сақталмаған демалыстағы қызметкерлердің 42500 теңге мөлшерінде әлеуметтік төлем алуы үшін жұмыс берушілерден өтініші қабылдана бастады, - деп хабарлайды 42500.enbek.kz.
Алматы, NEGE. "Өз қызметкерлері үшін өтінім беретін жұмыс берушілер (заңды және жеке тұлғалар) үшін өтінім қабылдау 2020 жылғы 19 шілдеде 10:00 сағаттан басталады", - делінген хабарламада.
Еңбекақысы сақталмаған еңбек демалысындағы қызметкерлер тізімін және олардың Қағидалар талаптарына сәйкестігін жұмыс беруші белгілейді. Жұмыс беруші Қағидалар талаптарын сақтамаған жағдайда қызметкер еңбек инспекциясының жергілікті органына жүгінуге құқылы.