22 января 2024 г. 19:19
24 қаңтарда Қазақстан бойынша теледидар мен радио жұмыс істемейді
Қазақстан бойынша 2024 жылғы 24 қаңтарда теледидар мен радио 14 сағатқа өшеді.
Алматы, NEGE. Телерадио хабарын тарату желісінде жоспарлы-профилактикалық жұмыс жүргізіледі.
"Қазтелерадио" АҚ үздіксіз және сапалы телерадио хабарларын таратуды қамтамасыз ету мақсатында спутниктік, цифрлық және аналогтық жерүсті желілерінің техникалық құралдары бойынша қызметтерді тоқтатып, тоқсан сайын жоспарлы профилактикалық жұмыстарды жүргізеді. Осыған байланысты біз 24 қаңтарда сағат 3:00-ден 17:00-ге дейін (Астана уақыты бойынша) телерадио хабарларын таратуды тоқтатып, профилактикалық жұмыс жүргізілетінін мәлімдейміз", - деп хабарлады "Қазтелерадио" АҚ баспасөз қызметі.