2026 жылғы қаңтарда қазақстандықтар қанша күн демалады?
Қаңтар айында Қазақстанда Жаңа жыл мен Рождество мерекесі атап өтіледі.
Астана, NEGE. Биыл 31 желтоқсан сәрсенбіге түсіп тұрғандықтан, бұл күн жұмыс күні болып саналады.
Ал 1 және 2 қаңтар – ресми мереке күндері. 3 және 4 қаңтар сенбі мен жексенбіге сәйкес келеді.
Осылайша, аптасына бес күн жұмыс істейтіндер Жаңа жыл мерекесіне орай төрт күн қатарынан демалады – 1, 2, 3 және 4 қаңтар.
Аптасына алты күн жұмыс істейтіндер үш күн демалады.
Биыл Рождество мерекесі 7 қаңтар – сәрсенбіге келетіндіктен, қазақстандықтар бұл күні де демалады.
Жалпы алғанда, 2026 жылғы қаңтар айында үш ресми мереке күні және 9 демалыс күні белгіленген.