«20 жылдан бері террористпін»: Атырауда никаб киген екі әйелдің үстінен іс қозғалды
Атырауда TikTok-та тікелей эфирге шыққан екі әйелдің бірі өзінің 20 жылдан бері террорист екенін айтып, Ұлттық қауіпсіздік комитетінің қызметкерлері жақсы танитынын мәлімдеген.
Астана, NEGE. Бейнежазба әлеуметтік желіде тарағаннан кейін полиция 38 және 39 жастағы әйелдердің кім екенін анықтап, бөлімшеге жеткізді.
Оларға қатысты үш әкімшілік іс қозғалды:
– ұсақ бұзақылық жасау;
– заңға қайшы контент тарату;
– қоғамдық орында бет-жүзді тануға кедергі келтіретін киім кию.
Іс материалдары сотқа жіберілді. Сондай-ақ әйелдермен теолог мамандар түсіндіру жұмысын жүргізді.
Айта кетейік, Қазақстанда қоғамдық орындарда адамның бет-жүзін жабатын киім киюге тыйым салынған.