«100 күндік жөтел» – Қазақстанда көкжөтелмен күрес қалай жүріп жатыр?
Көкжөтел – жұқпалы ауру, ол негізінен балалар мен жасөспірімдерде кездеседі және Bordetella pertussis бактериясынан туындайды. Көкжөтел жұқтырған адам алғашқыда оның белгілерін елемеуі мүмкін. Өйткені, ол әдеттегі тыныс жолдарының ауруларына ұқсайды. Көпшілігі суық тиіп қалған болар деп жүре береді. Кейіннен ғана жөтел күшейіп, тыныс алу қиындап, жөтел ұстамасы ұстауы мүмкін. Аталмыш аурумен ауырған адамды айлар бойы қатты жөтел мазалайды. Сонымен қатар, пневмония және энцефалит сияқты ауыр асқынуларды туындатады. Кейде оның арты өлімге алып келетін жағдайлар да кездеседі.