9 февраля 2024 г. 11:44
WhatsApp-та жаңа функция пайда болды
Бұдан былай хабарламаны ашпай тұрып, сізге келген адамның нөмірін бұғаттауға болады.
Алматы, NEGE. – Сөйлескіңіз келмеген адамды бұғаттау оңай бола түсті. Ендігіде, оны хабарламаны оқымай тұрып, бұғаттау экранынан немесе чаттар тізімінде бірден жасауға болады, – делінген хабарламада.
Бұған дейін WhatsApp мессенджері жаңа мүмкіндікті – хабарламаларды күні бойынша іздеу мүмкіндігін қосуды жоспарлап отырғаны хабарланған еді. Күнтізбе түймесі чаттардағы іздеу жолағында пайда болады. Бұл сол күні жарияланған хабарларды іздеу үшін белгілі бір күнді таңдауды жеңілдетеді.