Алматы әуежайында жалған төлқұжат көрсеткен шетелдіктер ұсталды
2024 жылғы 15-16 қаңтарда Алматы қаласының халықаралық әуежайында шекаралық бақылау кезінде Франция мен Грецияның жалған құжаттарын ұсынған 3 шетелдік ұсталды.
Алматы, NEGE. Арнайы техникалық құралдармен жүргізілген қосымша тексеру олардың жарамсыздығын растады. Жалған төлқұжаттар алынды.
Екі адамға қатысты сотқа дейінгі тергеп-тексеру басталды, бір шетелдік азамат депортацияланды.
2024 жылдың басынан Мемлекеттік шекара арқылы өткізу пункттерінде шекарашылар жарамсыз және бөтен төлқұжаттарды қолданудың 18 фактісін анықтады.