Қазақстанда жаппай тәртіпсіздікке шақырғандарға жауапкершілік күшейтіледі
Сенат Қылмыстық, Қылмыстық іс жүргізу және Қылмыстық-атқару кодекстеріне енгізілген түзетулерді мақұлдады.
Алматы, NEGE. Бүгін Сенат отырысында қылмыстық сот төрелігі саласындағы мәселелерге қатысты түзетулерді Ішкі істер министрі Марат Ахметжанов хабарлады.
Осы орайда мыналар үшін санкцияларды күшейту көзделген:
– жаппай тәртіпсіздіктерге шақыру (ҚК 272-бабының 1-бөлігі, 3 жылдан 5 жылға дейін бас бостандығынан айыру), оның ішінде телекоммуникация желілерін пайдалана отырып (ҚК 272-бабының 2-бөлігі, құқық бұзушылықтың жаңа құрамы-3 жылдан 7 жылға дейін бас бостандығынан айыру) шақыру.
– қылмыстық топ құрамында жасалған бұзақылық (ҚК 293-бабының 3-бөлігінен 4-бөлігіне, 5-тен 7-жылға дейін бас бостандығынан айыру).
«Қылмыстық топтың құрамында жасалған кісі өлтіру мен бандитизм үшін санкциялар күшейтіледі. Мұндай адамдарға шартты түрде мерзімінен бұрын босату мүмкіндігін болдырмау көзделіп отыр», - деді министр.