1 қаңтардан бастап Қазақстанда не өзгереді?
Бүгіннен бастап ең төменгі жалақы мөлшері 70 мың теңге.
Алматы, NEGE. Жалпы 2023-2025 жылдарға арналған бюджетте басқа да бірқатар төлемдердің мөлшері өзгереді. Атап айтсақ, мемлекеттен берілетін базалық зейнетақы төлемінің ең төменгі мөлшері 24 мың теңгеден асады. Ал зейнетақының минималды мөлшері 53 мың теңге. Айлық есептік көрсеткіш биыл 3450 теңге болса, базалық әлеуметтік төлемдерді есептейтін ең төменгі көнкөріс деңгейі 40567 теңге деп белгіленді.
2023 жылға белгіленген төлемдер ең төменгі жалақы 70 000 теңге, ең төменгі базалық зейнетақы 24 341 теңге, төменгі зейнетақы мөлшері 53 076 теңге, айлық есептік көрсеткіш 3 450 теңге, ең төменгі күнкөріс деңгейі 40 567 теңге.